Video/ Uragani ‘Harry’ godet Italinë, alarm i kuq në Siçili dhe Sardenjë, nis evakuimi i banorëve 21/01 18:47
Senatori republikan Lindsey Graham tha se planifikonte t’u bënte thirrje udhëheqësve evropianë që t’ia shesin Groenlandën SHBA-së, pasi fjalimi i Presidentit Donald Trump në Davos e bindi atë se kombi ka nevojë për të për arsye sigurie kombëtare.
“Ne nuk do ta marrim Groenlandën me forcë, por kemi nevojë për Groenlandën për arsye shumë të mira”, u tha Graham gazetarëve pas fjalimit të Trump.
“Ai më ka bindur se nëse e zotërojmë këtë copë toke, mund ta fortifikojmë atë në një mënyrë tjetër”, u shpreh Graham.
Graham, një aleat i ngushtë i Trump, shtoi se tani po i këshillonte zyrtarët evropianë të hapnin negociata mbi pronësinë e territorit “nëse keni gjysmë truri”, duke argumentuar se kjo në fund të fundit do ta forconte NATO-n.
Vërejtjet e senatorit republikan erdhën pasi ai foli me Presidentin finlandez Alexander Stubb, i cili dukej thellësisht i shqetësuar nga vërejtjet e Trump.
Graham pranoi se Stubb ishte i shqetësuar, duke thënë “të gjithë në Evropë janë të shqetësuar”, por tha se i kishte këmbëngulur udhëheqësit finlandez që ai nuk duhet të luftojë përpjekjen e Trump për të zotëruar Groenlandën.
“Jam i lodhur nga Europa që thotë, ‘Oh, i thuaj atij të…’”, tha Graham. “Jo, hesht. Nuk do t’ia them, shko ia thuaji ti.”
Stubb, i cili po takohej me ndihmësit pas fjalimit të Trump, nuk pranoi t’u përgjigjej pyetjeve.
Top Channel
