“Epshe të çmendura dhe kanibalizëm”, Karamuço për dosjen “Epstein”: Arriti të ndërtonte një sekt pervers global 02/02 22:53
Dy nismat e debatueshme të paqes fiskale ligji për fshirjen e detyrimeve tatimore dhe doganore si dhe ligji për marrëveshjen fiskale kanë marrë dritën jeshile teksa presidenti i republikës së Shqipërisë, Bajram Begaj i ka dekretuar duke i hapur kështu rrugë zbatimit pas publikimit në fletoren zyrtare.
Pavarësisht kundërshtimeve nga organizatat ndërkombëtare dhe dhomat e tregtisë të cilat shprehen se këto dy ligje cenojnë qëndrueshmërinë fiskale, nxisin evazionin dhe dëmtojnë konkurrencën në treg.
Falja e mbi 2 miliardë eurove gjoba dhe kamatvonesave për borxhe edhe nga 5-10 vjet, ndërhyrja e bizneseve në rregullimin e pasqyrave të vjetra financiare si dhe një marrëveshje e lidhur për vitin në vijim që të bën të pranosh një fitim mbi 18% se viti aktual duke paguar kështu një tatim 5%, me bonus në fund mungesën e kontrollit nga administrata tatimore, janë këto përfitimet që bizneset do të kenë nga kjo paqe.
Por këto favorizime janë kundërshtuar ndjeshëm si nga Banka Botërore, Fondi Monetar Ndërkombëtar dhe Dhomat e huaja Tregtisë në vend të cilat thonë se për nj vend si Shqipëria që synon integrimin në vend, luftimi i korrupsionit dhe evazionit fiskal duhet të jenë parësore por me një paqe të tillë shkelin rregullat.
Janë mbi 207 mijë biznese debitore që pritet të përfitojnë nga Paqja fiskale e cila do të nis menjëherë pas publikimit të akteve nënligjore.
Presidenti Begaj ka dekretuar edhe 5 ligjet e tjera të mbetura të paketës fiskale që do të bashkëshoqërojnë buxhetin 2026 si ligji “Për sistemin e taksave vendore”, “Procedurat tatimore”, “Për faturën dhe sistemin e monitorimit të qarkullimit”, si dhe ndryshimet në ligjin “Për tatimin mbi të ardhurat”, i TVSH, rivlerësimi i pasurive të paluajtshme.
Ndonëse të gjithë ligjet tashmë janë dekretuar i vetmi i publikuar në fletoren zyrtare dhe dihet sesi do të zbatohet është ai i rivlerësimit të pasurive të paluajtshme.
Top Channel
