Protestat në Iran, i dërguari i posaçëm i Trump takim sekret me djalin në mërgim të Shahut të fundit të Teheranit, Reza Pahlavi 13/01 20:47
Presidenti i SHBA-së, Donald Trump, nuk mori pjesë në takimin me drejtuesit e sigurisë kombëtare lidhur me Iranin, njoftoi sekretarja e shtypit e Shtëpisë së Bardhë, Karoline Leavitt.
Trump po zhvillonte komente mbi ekonominë në Detroit, ku sipas Leavitt, ai pritet të përmendë edhe situatën me Iranin. CNN kishte raportuar më parë se presidenti do të mblidhte zyrtarë të lartë të sigurisë kombëtare për të diskutuar strategjinë ndaj Teheranit, përfshirë Sekretarin e Shtetit Marco Rubio, Sekretarin e Mbrojtjes Pete Hegseth dhe Drejtorin e CIA-s John Ratcliffe, por Leavitt sqaroi se Trump nuk ishte planifikuar të merrte pjesë në këtë takim.
Më herët të martën, Trump njoftoi në Truth Social se kishte anuluar të gjitha takimet me zyrtarët iranianë deri në ndalimin e “vrasjeve të pakuptimta të protestuesve”. Të dielën, ai kishte deklaruar se Irani kishte bërë thirrje për të negociuar dhe se një takim ishte në proces caktimi.
Top Channel
