Berisha kërkon Ramën në gjyq për dosjen Partizani, të dëshmojë për periudhën që ishte kryebashkiak i Tiranës

Kërkesa për provat shkresore u lexua nga avokati Genc Gjokutaj  i cili e shtoi emrin e Ramën në të njëjtën listë ku sipas mbrojtjes duhen dëgjuar 137  dëshmitare që janë pyetur nga  SPAK mes tyre Bamir Topi, Taulant Balla, Mimi Kodheli, deri tek ushtarakë e noterë.

Mbrojtja deklaroi se SPAK tejkaloi kompetencat  duke hetuar VKM  dhe politikat qe ndjek një qeveri, mbasi nëse janë apo jo ligjore vendimmarrjet kolegjiale këtë e bën Gjykata Kushtetuese

Avokatët thane se ndjekja penale ishte e ndikuar politikisht

Për këtë sollën në vëmendje deklaratat e Ramës por sipas avokatëve edhe të ish ambasadores Juri Kim dhe Eskobar.

Avokatët u shprehën se SPAK nuk identifikoi cilat janë veprimet konkrete të Berishës përmes të cilave u shkel ligji.

SPAK nuk ka sjell asnjë provë që Berisha ka rënë më një marrëveshje paraprake për privatizimin që më pas e ka kryer përmes akteve ligjore dhe nënligjore që në përfundim të merrte ryshfetin përmes dhëndrit të tij.

Asnjë dëshmitarë nuk e thotë këtë dhe asnjë provë tjetër. SPAK e provon këtë marrëveshje me deduksion. Insistoi mbrojtja

Në gjykimin e themelit ku Berisha është mes tetë të pandehurve  për aferën e privatizimit të Klubit partizani, Sali Berisha nuk ka marrë asnjëherë pjesë. Të vetmet paraqitje janë vizitat e detyrueshme që gjykata i ka lënë në ngarkim në intervalin e dy të hënave në muaj.

Top Channel