Agjentët federalë vranë shoferen në Minneapolis/ Trump flet për vetëmbrojtje, klimë e tensionuar dhe demonstrata në qytet 07/01 22:31
Ish-presidenti brazilian, aktualisht i burgosur, Jair Bolsonaro, është dërguar në spital për analiza mjekësore, pasi është rrëzuar dhe ka goditur kokën.
Lajmi u bë i ditur nga bashkëshortja e tij, Michelle Bolsonaro, përmes një postimi në rrjetet sociale.
“Do të shkojmë në spital. Dashuria ime do t’i nënshtrohet analizave,” shkroi ajo në Instagram, duke u bërë thirrje mbështetësve të luten për të. Sipas Michelle Bolsonaro, ish-udhëheqësi 70-vjeçar i ekstremit të djathtë nuk është në gjendje të mirë shëndetësore, pasi ka pësuar një krizë teksa flinte gjatë natës, duke u rrëzuar dhe duke goditur kokën në një mobilje.
Siç raportoi ajo, Bolsonaro mori ndihmë mjekësore me vonesë, pasi dhoma në të cilën po mbahej ishte e mbyllur dhe ai u vu re vetëm kur mbërritën për vizitën e saj të planifikuar. Michelle Bolsonaro tha gjithashtu se është në kontakt të vazhdueshëm me mjekët dhe po pret informacion të plotë mbi mënyrën se si i është ofruar ndihma e parë dhe mbi gjendjen aktuale shëndetësore të ish-presidentit.
Top Channel
