Video/ E veshur plotësisht me të zeza dhe dorë për dore me Trump, Melania shfaqet mahnitëse në premierën e filmit të saj 30/01 12:18
Vetëm disa orë pasi shpalli nga brenda tendës së “Tea Room” në Mar-a-Lago se udhëheqësi venezuelian Nicolas Maduro ndodhej në duart e SHBA-së dhe se Amerika po menaxhonte situatën në vend, Presidenti Donald Trump doli triumfues në verandën e klubit të tij të mbushur me të ftuar, të cilët e duartrokitën për misionin e guximshëm që ai kishte urdhëruar vetëm disa metra më parë.
Mar-a-Lago, vila luksoze me stil italian në Palm Beach, ku Trump qëndroi 15 ditët e fundit, është kthyer në një qendër ku zhvillohen operacione sekrete me rrezik të lartë, duke përfshirë shkarkime liderësh, eliminime të gjeneralëve dhe sulme ndaj grupeve rebele, shkruan CNN.
Në momentin e shpalljes së kapjes së Maduro, atmosfera përreth klubit ishte relativisht e qetë. Të ftuarit mbërrinin në klub me veshje sportive dhe makina luksoze si BMW dhe Tesla Cybertruck. Çadrat e verdha dhe të bardha të klubit të plazhit valëvitnin në erë, ndërsa Oqeani Atlantik shkëlqente, ndërsa një anije e Gardës Bregdetare lundronte pranë.
Brenda disa prej 114 dhomave të pronës, atmosfera ishte më serioze. Draperi të zinj krijuan një zonë të sigurt për presidentin, i cili monitoronte në kohë reale ndërhyrjen e forcave Delta të Ushtrisë në rezidencën e Maduro, që po përpiqej të arrinte dhomën e tij të sigurt.
Përveç monitorëve të lidhur me internet të sigurt dhe linjave telefonike të specializuara, presidenti kishte akses në informacion në kohë reale, përfshirë një monitor që transmetonte postime nga rrjeti X. “Ne patëm një dhomë… dhe ndoqëm çdo moment. Ishin shumë persona rreth nesh, përfshirë gjeneralë. Ata e dinin gjithçka që po ndodhte,” deklaroi Trump më pas në një telefonatë për Fox News.
Mar-a-Lago ka qenë prej kohësh vendi ku janë autorizuar operacione të klasifikuara. Nga ky kompleks janë marrë vendime për goditje ndaj komandantëve të huaj, si vrasja e gjeneralit iranian Qasem Soleimani në 2020, ose sulmet kimike në Siri në 2017, të gjitha ndërkohë që Trump kthehej më pas për darkë me liderë të huaj.
Në 9 muajt e fundit, nga Mar-a-Lago Trump ka monitoruar fushata ajrore kundër rebelëve Houthi në Jemen, sulme me raketa Tomahawk kundër kampëve të ISIS në Nigeri dhe operacionin për kapjen e Maduro në Karakas. Gjatë gjithë kësaj, ai ka alternuar mes raundeve të golfit dhe takimeve në dhomat e sigurta të pronës.
Edhe pse Mar-a-Lago është një vend i mbrojtur me struktura të forta, si mure të trashë prej guri Dorian nga Italia dhe mbrojtje natyrore nga uraganet, vendi ka pasur edhe sfida në siguri. Trump është kritikuar më parë për menaxhimin e dokumenteve të klasifikuara në rezidencë, të cilat ishin pjesë e hetimeve federale.
Sidoqoftë, për Trump, Mar-a-Lago mbetet një vend ku ai mund të largohet nga Washingtoni, të takojë të ftuar të cilët paguajnë deri në 1 milion dollar për anëtarësi dhe të ndërmarrë operacione sekrete.
Kur doli në verandë të shtunën në mbrëmje, ai u shoqërua nga bashkëshortja Melania Trump dhe ish-kreu i efikasitetit qeveritar Elon Musk, ndërsa të ftuarit i dhanë një duartrokitje standing ovation. “Faleminderit,” tha Trump ndërsa përshkonte turmën.
Top Channel
