Mijëra pasagjerë të kroçerave të bllokuar në Gjirin Persik, personazhe të njohur rrëfejnë tmerrin në Dubai pas përshkallëzimit të konfliktit 04/03 19:48
Zyrtarët nepalezë kanë njoftuar se do të heqin dorë nga skema e depozitimit të mbeturinave në malin Everest, e cila është konsideruar e pasuksesshme pas 11 vitesh implementimi.
Skema kërkonte që alpinistët të paguanin një depozitë prej 4,000 dollarësh (2,964 paund) dhe t’i sillnin me vete të paktën 8 kg mbeturina, për të marrë mbrapsht paratë. Kjo ishte përpjekja për të trajtuar problemin e grumbullimit të mbeturinave, me estimime që Everest është mbuluar me rreth 50 ton mbeturina.
Pavarësisht që skema është zbatuar që nga viti 2013, dhe shumica e alpinistëve kanë sjellë mbeturinat e tyre, problemi i grumbullimit të mbeturinave ka vazhduar të përkeqësohet, veçanërisht në kampet më të larta të malit, ku mbeturinat janë më të shumta.
Himal Gautam, drejtor në departamentin e turizmit të Nepalit, e përshkroi skemën si një “barrë administrative” dhe pranoi se ajo nuk ka arritur të sjellë rezultate konkrete.
Pjesa më e madhe e mbeturinave të sjella janë grumbulluar nga kampet e poshtme, pasi alpinistët që ngjiten më lart shpesh lënë tenda, kanaçe dhe kutia ushqimesh dhe pijeje të paketuara në lartësitë më të mëdha.
Top Channel
