Qeveria rishikon çmimet e referencës, për herë të parë përfshihen zonat rurale 16/01 09:53
Ndonëse njihet si një nga zonat me prodhimin më cilësor të vajit të ullirit në vend, Peqini po përballet me një krizë të papritur, mungesën e tregut.
Qindra ton vaj ulliri po mbesin stok në depot e fermerëve, duke rrezikuar ekonominë e qindra familjeve që jetojnë kryesisht me këtë kulturë.
Edhe pse ky vit shënoi një prodhim të mbarë dhe me cilësi të lartë, fermerët e Peqinit shprehen pesimistë. Sipas tyre, vaji i ullirit, i cili është shtylla e ekonomisë lokale, nuk po gjen blerës dhe emergjente paraqitet nevoja e një pike grumbullimi dhe mbështetja nga shteti pasi eksporti po konkurrohet fuqishëm nga vendet fqinje.
Kostoja e lartë e punës, që nga kujdesi fillestar, vjelja e deri te procesi i përpunimit në fabrikë, e bën të pamundur shitjen e tij me çmime nën kosto. Për fermerët e Peqinit, ulliri nuk është thjesht një kulturë bujqësore, por vetë ekzistenca e qytetit dhe fshatrave përreth.
Top Channel
