SHBA hakmerret për dy ushtarët e vrarë nga ISIS në Siri, godet disa baza e depo armësh të organizatës terroriste 20/12 10:04
Mbrojtja Civile e Gazës tha të premten se një sulm izraelit ndaj një shkolle të shndërruar në strehë për palestinezët e zhvendosur në Rripin e Gazës vrau pesë persona, përfshirë fëmijë, ndërsa ushtria izraelite tha se hapi zjarr ndaj anëtarëve të dyshuar të Hamasit.
Zëdhënësi i Mbrojtjes Civile, Mahmoud Bassal, i tha AFP-së se pesë trupa ishin gjetur pas një sulmi izraelit ndaj Shkollës së Martirëve të Gazës, e cila është shndërruar në strehë për personat e zhvendosur, në lagjen Tufa të qytetit lindor të Gazës.
Pyetur nga AFP, ushtria izraelite tha se “gjatë operacioneve në zonën e Vijës së Verdhë në Rripin verior të Gazës, individë të dyshimtë u identifikuan në strukturat komanduese në perëndim të Vijës së Verdhë”.
Sipas marrëveshjes së armëpushimit që hyri në fuqi midis ushtrisë izraelite dhe Hamasit pas dy vitesh lufte më 10 tetor, forcat izraelite janë tërhequr në lindje të kësaj vije.
Sipas ushtrisë, anëtarët e saj “hapën zjarr ndaj të dyshuarve për të eliminuar kërcënimin”, duke shtuar se është “në dijeni të akuzave për viktima”, të cilat po “i shqyrton”, duke shtuar se “shpreh keqardhje për çdo dëm ndaj individëve që nuk ishin të përfshirë”
Armëpushimi në enklavën palestineze, bazuar në një plan të paraqitur nga Presidenti i SHBA-së Donald Trump, mbetet i brishtë dhe të dyja palët akuzojnë njëra-tjetrën për shkelje flagrante të tij.
Top Channel
