SHBA hakmerret për dy ushtarët e vrarë nga ISIS në Siri, godet disa baza e depo armësh të organizatës terroriste 20/12 10:04
Irani ekzekutoi të shtunën një student që e akuzoi për spiunazh për Izraelin dhe lidhje me grupet opozitare iraniane, raportoi agjencia e lajmeve Mizan e gjyqësorit.
Ekzekutimi është pjesë e një serie vdekjesh të civilëve të akuzuar për bashkëpunim me Izraelin.
Sipas Mizan, studenti 27-vjeçar i arkitekturës Akhil Keshavarz u dënua me vdekje për spiunazh për Izraelin dhe lidhje me grupet opozitare iraniane. Grupi i të drejtave të njeriut Iran Human Rights me seli në Oslo shkroi në X se dënimi ishte bazuar në “rrëfime të marra përmes torturës”.
Konflikti në rritje midis Iranit dhe Izraelit u përshkallëzua në qershor kur Izraeli sulmoi disa objektiva brenda Iranit, duke përfshirë operacione të mbështetura nga komandot e Mossadit të vendosura thellë brenda vendit. Ekzekutimet e iranianëve të akuzuar për bashkëpunim me Izraelin janë rritur ndjeshëm këtë vit dhe shumë dënime me vdekje janë kryer në muajt e fundit.
Marrëdhëniet e Iranit me Izraelin kanë mbetur të tensionuara për dekada të tëra, pasi Iranin që akuzon vazhdimisht Izraelin për mbështetjen e grupeve të ndryshme opozitare dhe destabilizimin e regjimit.
Top Channel
