Hapet ura e re për këmbësorët mbi lumin Ibër, Kurti nis fushatën: Për urën kryesore do pyesim ndërkombëtarët
17/12 19:53
U mbajt me dyer të mbyllura mbledhja e Këshillit Kombëtar të PD.
Gazetarja e Top Channel Elda Menga ka zbardhur diskutimet e demokratëve, ku mësohet se ndër të tjera Berisha ka treguar se përse është shtyrë kaq gjatë mbledhja e Këshillit.
Sipas tij kjo është bërë për të faktuar “farsën”.
“Pritem raportin e OSBE/ OHDIR”, ka thënë Berisha.
Ndërkohë ai u ka kërkuar që sot të përqendrohen vetëm te tema e protestës, duke lënë mënjanë diskutim e për çështje të tjera, por kjo është kundërshtuar nga Lisandër Hoxha dhe Aulon Kalaja, teksa ky i fundit ka kërkuar ngritjen e një Komisioni Hetimor për mënyrën sesi u mblodhën firmat për Endrit Shabanin.
Ndërkohë, pas mbledhjes se Këshillit Kombëtar , kryetarët dhe sekretarët e degëve do të mbajnë tjetër mbledhje me Sali Berishën dhe Flamur Nokën.
Pjesë nga diskutimet:
Sali Berisha: Ne do të përqendrojmë diskutimet vetëm tek kjo temë. Canetar është i ftuar të shprehë sugjerimet, mendimet, kritikat, duke mbetur parti e fjalës së lirë. Sot do të fokusohemi tek organizimi i protestës. Kjo protestë është vetëm fillimi.
Edi Paloka: Nisma nga 17 anëtarë të Këshillit Kombëtar. Propozoj, meqë sot tema është protesta, të ngrihet një grup pune ndërkohë dhe ta diskutojmë në mbledhjen më të parë.
Lisander Hoxha: Ne besojmë që Soros është kancer për demokracinë; jo vetëm për Shqipërinë; USA etj. Në mesin tonë është e papranueshme të kemi njerëz të lidhur me këtë organizatë.
Aulon Kalaja: Jam dakord me Lisandrin. SOROS duhet të shpallet non grata nga qeveria e ardhshme. Mendoj se PD duhet të shkojë më djathtas, duhet të jemi konservator jo të themi që jemi parti e qendrës së djathtë. Është zgjedh Avokat i Popullit, një SOROR-sit me firmat e PD. Të ngrihet Komision Hetimor për mënyren sesi u morën firmat për Shabanin.
Flamur Noka: Janë ndarë grupet e punës për organizimin e protestës së 22 dhjetorit. Do monitorohet kontributi i secilit.
Sali Berisha: Ju ftoj përsëri që secili prej nesh të zhvendoset në orbite të re. Tani kemi qartësi që të ndërtojmë platformë antidiktatoriale, pasi karakteri represiv i regjimit, shndërrimi i zgjedhjeve në farsë është tashmë e konfirmuar ndërkombëtarisht. Diktaturat autokratike mund të zgjasin shume vite. Me votë ato nuk ikin. Platforma jonë bazohet tek ata njerëz që guxojnë. Tani është koha e përqëndrimit total e provës me këtë regjim. Degët duhet të rezistojnë. A i kemi thënë në armikut armik? Jo në masën e duhur. Ne nuk bojkotojmë parlamentin. Asgjë se zëvendëson protestën.
Top Channel
