Serbia dhe Kina nisin bashkëpunimin në fushën e teknologjive hapësinore, ministri serb i Bujqësisë: Rëndësi të madhe shoqërore dhe ekonomike 17/12 20:41
Brigitte Macron, gruaja e Presidentit Macron dhe po ashtu zonja e parë e Francës, po përballet me një padi ligjore nga disa organizata, përfshirë grupe të të drejtave të grave.
Gruaja e Macron po paditet pasi u filmua duke përdorur fyerje seksiste për protestueset feministe gjatë një shfaqjeje teatrale në Paris. Më shumë se 300 gra, konkretisht 343, një numër simbolik në historinë e feminizmit francez, ngritën padi kundër zonjës së parë për fyerje publike.
Një video e filmuar javën e kaluar tregoi Macronin duke diskutuar pas skenave në teatrin Folies Bergère në Paris me Ary Abittan, një aktor dhe komedian francez, i cili më parë ishte akuzuar për përdhunim. Macron po ndiqte shfaqjen e tij së bashku me vajzën dhe disa shoqe. Aktivistet feministe kishin ndërprerë shfaqjen duke brohoritur: “Abittan, përdhunues!”
Macron, 72 vjeçe, e pyeti Abittan se si ndihej. Kur ai tha se ishte i frikësuar, ajo iu referua protestuesve si me termin budallaqe dhe shtoi se nëse ato ktheheshin, do t’i “hedhnin jashtë”.
“Ajo është zonja e parë e Francës, fjalët e saj kanë rëndësi”, tha Juliette Chapelle, një avokate që përfaqëson grupet feministe që ngritën çështjen. Ajo gjithashtu theksoi se ka një dallim të madh mes fjalimeve publike të Macronit dhe asaj që ajo mendon vërtet.
Ndërkohë, magjistratët e kishin ndalur hetimin e akuzës për përdhunim ndaj Abittan në vitin 2021 për shkak të mungesës së provave, ndërsa ky vendim u konfirmua në apel vitin e kaluar.
Grupi feminist “Nous Toutes”, i cili mori pjesë në protestën në teatrin Folies Bergère, tha se aktivistët e tij kishin ndërprerë shfaqjen e Abittan për të protestuar kundër “kulturës së pandëshkueshmërisë” rreth dhunës seksuale në Francë.
“Më vjen keq nëse kam lënduar gratë viktima. Nuk mund të pendohem për to. Është e vërtetë që unë jam gruaja e presidentit të republikës, por mbi të gjitha jam vetvetja. Kur jam në privatësi, mund ta lë veten të lirë në një mënyrë që mund të mos jetë gjithmonë e duhur”, deklaroi ajo.
Top Channel
