Serbia dhe Kina nisin bashkëpunimin në fushën e teknologjive hapësinore, ministri serb i Bujqësisë: Rëndësi të madhe shoqërore dhe ekonomike 17/12 20:41
Fermerët francezë vijojnë protestat në mbarë vendin, me bllokada në autostrada, rrugë provinciale dhe demonstrata në qytete, duke kundërshtuar marrëveshjen e tregtisë së lirë BE–Mercosur, nënshkrimi i së cilës pritet së shpejti.
Sindikata më e madhe bujqësore, FNSEA, ka bërë thirrje për protesta të reja, përfshirë një marshim me traktorë drejt Brukselit, duke paralajmëruar se mobilizimi mund të zgjasë deri në Krishtlindje.
Protestat nisën pas urdhrit të autoriteteve për therjen e të gjitha kafshëve në tufat e prekura nga sëmundja e lëkurës nodulare. Edhe pse qeveria premtoi rritjen e vaksinimit, çështja u zgjerua në kundërshtimin e marrëveshjes Mercosur, të cilën fermerët e shohin si kërcënim për prodhimin evropian për shkak të importeve më të lira nga Amerika e Jugut, që sipas tyre nuk i nënshtrohen të njëjtave standarde mjedisore dhe shëndetësore si në BE.
Mobilisation des agriculteurs en cours dans plusieurs régions contre la gestion de la dermatose nodulaire contagieuse. Blocages sur autoroutes (A61, A63, A75, A9…), routes nationales et lignes ferroviaires. Perturbations trafic importantes, notamment Sud-Ouest et Occitanie. pic.twitter.com/EqcEgNpiB7
— Fdesouche.com est une revue de presse (@F_Desouche) December 16, 2025
Opinioni publik duket kryesisht në anën e fermerëve. 58% e francezëve miratojnë bllokimet e rrugëve, ndërsa gjysma e të anketuarve mendojnë se politika shtetërore për therjen e tufave është e tepruar. Mbështetja është veçanërisht e lartë në zonat rurale dhe te votuesit e Tubimit Kombëtar.
Les agriculteurs sont toujours mobilisés contre la gestion gouvernementale de la dermatose nodulaire. Les blocages d'autoroutes, de routes et d'axes ferroviaires se poursuivent. →https://t.co/xHa6KJT15X pic.twitter.com/Bfz5G82lO3
— Le Figaro (@Le_Figaro) December 17, 2025
🚧🇫🇷 ALERTE INFO – De nombreux BCLOAGES d’autoroutes sont en cours dans toute la France, notamment sur l’A9 : blocage au PÉAGE A9 CROIX SUD à NARBONNE, et sur l’A43 où les AGRICULTEURS ISÉROIS poursuivent leur mobilisation. pic.twitter.com/GZEaJiH4e0
— Prem's (@PremsNews) December 17, 2025
Në planin politik, Franca dhe Italia kanë kërkuar shtyrjen e votimit për marrëveshjen deri në vitin 2026, një qëndrim i mbështetur edhe nga Hungaria dhe Polonia. Ndërkohë, Gjermania, Spanja dhe vendet nordike e shohin marrëveshjen si një mënyrë për të forcuar eksportet dhe për të ulur varësinë nga Kina. Presidenti francez Emmanuel Macron ka kërkuar korniza më të rrepta, klauzola mbrojtëse dhe kontrolle më të forta të sigurisë ushqimore.
Edhe Parlamenti Evropian ka kërkuar futjen e klauzolave mbrojtëse në marrëveshje, duke miratuar një rezolutë që parashikon pezullimin e përkohshëm të preferencave tarifore për produkte të ndjeshme bujqësore nëse importet dëmtojnë prodhuesit e BE-së. Eurodeputetët kërkojnë gjithashtu hetime më të shpejta dhe zbatimin e parimit të reciprocitetit, që vendet e Mercosur të respektojnë standardet e prodhimit të BE-së.
Top Channel
