Protesta e fermerëve grekë/ Bllokojnë rrugët që lidhin Greqinë me Shqipërinë, duan uljen e kostove të prodhimit
16/12 12:35
Kryeministri australian Anthony Albanese vizitoi “heroin” e Bondi Beach, Ahmed al-Ahmed, i cili ndërhyri për të ndaluar një nga autorët e sulmit më vdekjeprurës me armë që vendi ka parë në dekada.
Të dielën në mbrëmje, ndërsa një turmë ishte mbledhur në Bondi Beach të Sidneit për festën hebraike të Hanukkah, një baba dhe djali i tij hapën zjarr, duke vrarë 15 persona dhe duke plagosur 42 të tjerë.
Pamjet tregojnë Ahmed al-Ahmed, një shitës frutash, duke rrëshqitur midis makinave të parkuara ndërsa shpërthyen të shtënat dhe duke i rrëmbyer pushkën njërit prej sulmuesve. Ai u përshëndet si “hero” nga udhëheqësit australianë dhe të huaj, nga Anthony Albanese deri te Donald Trump.
“Në një kohë kur po dëshmonim akte të liga, ai shkëlqeu si një shembull i fuqisë së njerëzimit”, tha kryeministri. “Ne jemi një vend i guximshëm. Ahmed al-Ahmed mishëron më të mirën e vendit tonë”, shtoi ai.
I shtrirë në shtratin e tij të spitalit, Ahmed falënderoi mbështetësit e tij në arabisht në një video të postuar në mediat sociale këtë mëngjes. “Vlerësoj përpjekjet e të gjithëve . Allahu ju shpërbleftë dhe ju dhëntë begati”, tha ai, sipas transmetuesi publik turk TRT World.
Ahme dal-Ahmed, babai i dy fëmijëve, me origjinë nga Siria, ka jetuar në Australi për më shumë se 10 vjet.
Nëna e tij i tha transmetuesit australian ABC të hënën se “ndihet fajtore dhe qan” që kur mori telefonatën se djali i saj ishte qëlluar në një “aksident”.
Më shumë se 1.9 milionë dollarë australianë janë mbledhur në internet për të ndihmuar në mbulimin e shpenzimeve mjekësore të Ahmedit.
Top Channel
