Përmbytje nga reshjet ekstreme në veriperëndim të SHBA, mijëra banorë evakuohen 11/12 14:17
Kryeministri bullgar Rossen Zhelyazkov tha më 11 dhjetor se qeveria e tij do të japë dorëheqjen.
Njoftimi erdhi pasditen pasi më 10 dhjetor dhjetëra mijëra bullgarë protestuan në qytetet e vendit duke kërkuar dorëheqjen e qeverisë.
Qeveria e Zhelyazkovit duhej të përballej me mocionin e gjashtë të mosbesimit ndaj saj më 11 dhjetor, të paraqitur nga koalicioni opozitar “Ne Vazhdojmë Ndryshimin – Bullgaria Demokratike” me mbështetjen e dy partive të pakicave opozitare.
Votimi ishte planifikuar të mbahej në orën 13:30, por deputetët e partnerëve të shumicës në qeveri GERB-UDF, përfshirë udhëheqësin Boiko Borissov, munguan në seancë në atë moment, ashtu si edhe deputetët e dy partnerëve të pakicës në qeveri, Partisë Socialiste Bullgare, E Majta e Bashkuar dhe partisë populiste ITN.
Mocioni i parë i mosbesimit ndaj qeverisë Zhelyazkov u paraqit nga Vuzrazhdane në prill, për shkak të politikës së jashtme, dhe i dyti u paraqit më vonë gjatë prillit nga Mech, për shkak të korrupsionit.
I treti, i cili u refuzua më 4 korrik, u paraqit nga Vuzrazhdane, Mech dhe Veliche, me arsyetimin se politika fiskale e qeverisë ishte dështim, ndërsa i katërti , i rrëzuar më 11 korrik, u paraqit nga Velichie, i mbështetur nga Mech dhe Vuzrazhdane, me arsyetimin se politikat mjedisore ishin dështime.
Top Channel
