Po shkon drejt fundit intervistimi i kandidatëve që garojnë për të marrë drejtimin e Prokurorisë së Posaçmen Antikorrupsion, ku i fundit po flet Klodjan Braho, i cili paraqiti platformën e tij dhe evidentoi hetimet më të rëndësishme që ka bërë në karrierën e tij.
Ai u është përgjigjur edhe pyetjeve të anëtarëve të KLP, në prezencë të ndërkombëtarëve.
Pjesë nga pyetjet:
Cilin tipar vlerësoni te secili prej drejtuesve të mëparshëm, dhe cilin tipar tuajin do vendosni nëse do jeni drejtues i SPAK?
Braho: Do merrja tiparet më të mira të të dyve, proaktivitetit dhe qetësisë. Proaktivitet, vendosmëri dhe standard do vendosja si tipare të miat.
Çështja e madhe që keni hetuar?
Braho: Nuk dua t’i përmend me emra, por disa cështje të zyrtarë të lartë
Keni pasur presione dhe si e keni përballuar nëse po?
Braho: Edhe kemi ndjerë presione, herë direkt herë indirekt herë publik herë jo publik… kur nuk kemi pasur mbrojtje, siç janë sot prokurorët e rretheve, ka një rregull që zbatohet, cdo çështje e vështirë ka një zgjidhje shumë të thjeshtë… do të zbatosh ligjin.
Mund të më përkufizoni termin republikë e prokurorëve?
Braho: Nuk më shkon dhe nuk e njoh këtë term. Unë nuk vlerësoj se ka republikë prokurorësh në Shqipëri. Prokurorë kanë detyrë të zbarojnë atë që thotë kodi i Procedurës Penale, dhe i gjykon Gjykata nëse ka bërë mirë apo gabim
Top Channel
