Po mbahet sot seanca e radhës plenare, por as kjo e enjte nuk ka nisur ‘mbarë’, pasi opozita kërkon që në sallë të jenë të pranishëm kryeministri Edi Rama dhe ministrat e tjerë, si dhe heqjen e disa pikave nga rendi i ditës.
Edhe pse përplasje ka pasur mes deputetëve të opozitës dhe mazhorancës, nuk kanë munguar as batutat dhe ironitë.
Ndërsa Klevis Balliu i kërkoi Taulant Ballës që t’u drejtohet me respekt kolegëve dhe të mos i thotë Erald Kaprit ‘dhëndri’, Peleshi iu përgjigj duke i thënë se fjala dhëndër nuk është ofendim.
E ndërsa fliste, Peleshi fjalën ‘rëndë’, e tha me dialekt korçar, gjë që Balla më pas ia përdori me batutë duke i thënë ‘ të të vijë reendë’, duke shkaktuar të qeshura në sallë.
Ndërkohë Balliu nuk ishte dakord me këtë gjuhë duke i tërhequr sërish vëmendje Ballës, teksa ky i fundit iu drejtua duke i thënë” dhe ti nga këta që të të vijë reendë je…
Pjesë nga debati:
Balliu: Dhe me kolegun Kapri, jo dhëndër jo stër’dhëndër, çfarë janë këto turpe?
Peleshi: Nëse ka ardhur dita që fjala dhëndër të konsiderohet e ‘rendë’ atëherë është luks për ne dhe arritje e parlamentin
Balla: Të të vijë reendë… kemi bërë krushqi se e kemi dhëndër, dhe ti je nga këta që të të vijë rendë je, ti turpërohesh (qesh)
Peleshi: Nuk është fyerje, për mua është kompliment (qesh)
Balliu: Zotëria ka probleme nuk kupton,
Peleshi: S’mund të mbash mikrofonin duke treguar me gisht se nuk je as prokuror as gjyqtar
Balliu: Se përcaktoni ju se çfarë flas në replikë…. a mundet zotëri këto 20 pika t’i shkurtoni? Është të tallesh. Këtë i thash zotërisë që nuk e kupton gjuhën normale
Top Channel
