“40 vite punë në heshtje”, historia prekëse e berberit që nuk dorëzohet për të mbajtur familjen
30/11 12:45
Turizmi po zhvillohet me shpejtësi, por Shqipëria ende përballet me pabarazi gjinore të theksuar në këtë fushë. Studimi i Kombeve të Bashkuara në Shqipëri nxjerr në pah se burrat kanë peshën kryesore në sipërmarrjet turistike, duke zënë 84% të roleve drejtuese.
“UN Women e nisi këtë studim për të kuptuar ku qëndrojnë gratë në sektorin e turizmit. Kjo është analiza e parë kombëtare dhe vëmë re që gratë janë mbi 62% të punësuara në këtë sektor në të gjithë zinxhirin e vlerës. Por kur vjen puna te vendimarrja përfaqësohen vetëm nga 12% e grave që menaxhojnë apo drejtojnë biznese në turizëm”, shprehet Irena Beqja, UN Woman Albania.
Hendeku në paga vazhdon të ekzistojë sipas anketës ku gratë fitojnë rreth 700 euro në të njëjtën punë që burrat paguhen me 1500 euro. Problematikat vërehen jo thjesht në diskriminimin e pagesave, por edhe te ekspozimi i dhunës me bazë gjinore.
“Sfidat për akses në kredi janë më të mëdha. Burrat mund të marrin dyfish kredi krahasuar me gratë. Nga statistikat tona del se gratë paguhen më pak se djemtë për të njëjtën punë, në shërbim sidomos. Gjithashtu gratë janë më të pasigurta në këtë sektor. Shumë gra raportojnë se kanë përjetuar ngacmime seksuale në vendin e punë nga kolegë apo edhe klientë. Por ajo që ndodh është se rrallëherë kanë ku e raportojnë, ndaj heshtin për të ruajtur punën”, shprehet më tej ajo.
Për ekspertët është domosdoshmëri që në shoqërinë e sotme të garantohen paga të barabarta si dhe të forcohen kapacitetet e inspektimeve për kushte të sigurta në vendin e punës.
Top Channel
