Vështirësitë e grave në biznes/ Studimi i Kombeve të Bashkuara: Paguhen më pak se burrat, s’u jepet rol drejtues
30/11 15:10
Bregdeti i Darëzezës është kthyer këtë të diel në një pistë të vërtetë garash me kuaj, ku 16 kalorës nga Shqipëria, Lugina e Preshevës dhe Kosova morën pjesë në një aktivitet të organizuar në kuadër të festimeve të 28–29 Nëntorit.
Sipas organizatorit Indrit Plangaj, gara u zhvillua me pjesëmarrjen e katër klubeve sportive, dhe me mbështetjen e Klubit të Hipizmit “Kalorësit Illyrian”,
Ndërsa 16 garuesit konkurruan në tre gara shpejtësie, në distanca prej 2 dhe 3 kilometrash. Ai bëri apel për më shumë vëmendje dhe mbështetje nga institucionet për sportin e hipizmit, një disiplinë me traditë dhe adrenalinë të lartë, duke theksuar se ka ardhur koha që Shqipëria të përfaqësohet në turne ndërkombëtarë.
Aktiviteti u ndoq nga dhjetëra qytetarë të moshave të ndryshme, të cilët krijuan një atmosferë festive përgjatë vijës bregdetare. Në përfundim, u shpallën fituesit e tre garave, ndërsa fieraku Beso Shkrela me kalin “Luna” triumfoi sërish, duke marrë duartrokitjet e publikut për suksesin e tij të njëpasnjëshëm.
Kalorësi fitues Eduart Cinga u shpreh i emocionuar dhe u bëri thirrje të gjithë të apasionuarve pas hipizmit t’i bashkohen këtij sporti që po fiton gjithnjë e më shumë mbështetje.
Vija bregdetare e Darëzezës është shndërruar shpesh në skenë të aktiviteteve sportive, duke afruar komunitetin me sporte tradicionale dhe moderne.
Top Channel
