Pesticidet pengojnë eksportin, kultivuesit e ullirit ankohen për situatën e krijuar vitet e fundit
30/11 12:26
Prej 40 vitesh, Idriz Çela vazhdon të bëjë çdo ditë 2 km rrugë me një biçikletë, për të hapur dyert e berberhanes, ku punon me duar të arta e me zemër të madhe, edhe pse nuk mund të flasë dhe as të dëgjojë.
Në heshtjen e tij të përditshme, ai pret, rregullon e shërben me përkushtim, duke komunikuar me klientët përmes shenjave dhe buzëqeshjes të cilat zëvendësojnë fjalët.
Edhe pse përballet me vështirësi, ai nuk ka hequr dorë nga puna e përditshme duke dhënë shembullin e guximit, përkushtimit dhe dinjitetit që lind nga sakrifica.
Ndodhemi në fshatin Fier-shegan të qytetit të Lushnjës. Pas krahëve te mi ndodhet berbehana në të cilën punon Idriz Çela.
Kjo punë është jo vetëm pasioni i tij, por edhe i vetmi burim mbijetese për një familje që përballet me vështirësi të mëdha ekonomike e sociale.
Në një shtëpi që rrezikon ta humbasë dhe me fëmijë të sëmurë, Idrizi vazhdon të ngrihet çdo ditë, të hipë në biçikletë dhe të hapë dyert e berberhanes.
“Punën e bënë me dëshirë, e bënë me qejf punën, me dëshirën e vetë. Aq sa merr është i kënaqur. Po tani shumë jetë e vështirë se i ka të tëra në kurriz. As shtëpi nuk kemi”, shprehet bashkëshortja e Idriz Çelës.
“E bënë punën të saktë dhe vijmë këtu te ai e ndihmojmë”, thotë një klient i Idrizit.
Kushtet në të cilat zoti Idriz jeton dhe punon janë tepër të vështira. Pavarësisht pasionit të madh që ai ka për punën që bën, të ardhurat të cilat ai mbledh nuk i mjafton që të bëjë qoftë dhe një jetë minimale.
“Prej 2 muajsh unë jam administratori i njësisë Fier-Shegan. Që në momentin që jam emëruar këtu jam njohur me rastin e Idriz Çelës i cili është në vështirësi si ekonomike, si nga ana e banesës dhe në kushtet sociale. Në këto kushte i jam drejtuar Bashkisë me një kërkesë për verifikimin e rastit.
Më janë përgjigjur menjëherë dhe është bërë verifikimi nga grupi i emergjencave civile. Një javë më parë më është kthyer përgjigje nga Bashkia Lushnjë se atij i është mundësuar bonusi i qerasë dhe jemi duke kërkuar një shtëpi për ta strehuar dhe për 12 muaj do i ofrohet bonus nga bashkia dhe shtet”, tha Fabio Mirofci, administratori i njësisë Fier-Shegan.
Historia e Idrizit nuk është vetëm një thirrje për më shumë mbështetje por edhe një dëshmi e fuqisë njerëzore për të vazhduar përpara, edhe kur jeta të vendos në provë.
Top Channel
