BBC i ka kushtuar një artikull agroturizmit dhe kulinarisë shqiptare, treguar se si recetat tradicionale janë trashëguar brez pas brezi.
“Shqipëria po mbështetet në rrënjët e saj të kuzhinës me ndihmën e gjysheve kuzhiniere, duke u mësuar brezave të shumtë se si të gatuajnë pjata të lashta. Kjo për shkak se kombi ballkanik ka vuajtur jo një, por dy periudha amnezie kulinare gjatë 80 viteve të fundit”, shkruan BBC.
“Së pari, nga viti 1946 deri në vitin 1991, Shqipëria u sundua nga komunistë të vijës së ashpër, të cilët në fakt e izoluan kombin e vogël malor nga bota e jashtme. Gjatë kësaj periudhe, librat e gatimit u dogjën, importet u ndaluan, udhëtimet jashtë vendit u ndaluan, ushqimi u kolektivizua dhe mungesat ishin të përhapura.
Pastaj, pas rënies së komunizmit në vitet 1990, 710,000 qytetarë – 20% e popullsisë – ikën nga Shqipëria nga viti 1989 deri në vitin 2001 në kërkim të punës në vende të tjera. Me kalimin e kohës, shumë prej këtyre emigrantëve harruan recetat e atdheut të tyre ndërsa u përshtatën me vende dhe kultura të reja. Midis mungesave të përhapura të ushqimit gjatë komunizmit dhe emigrimit pasues pas tij, shumë shqiptarë brenda dhe jashtë vendit kishin harruar se si të përgatitnin kuzhinën tradicionale shqiptare në fillim të shekullit të 21-të – përveç grave të një moshe të caktuar”, vijohet më tej në artikull.
Kryeministri ka reaguar në lidhje me këtë shkrim, teksa shton se recetat tradicionale të gjysheve shqiptare që po trashëgohen brez pas brezi janë një pikë e fortë e sipërmarrjeve të reja të agroturizmit.
“Rrjeti i njohur mediatik BBC i ka kushtuar një artikull agroturizmit dhe kulinarisë shqiptare, përmes seksionit BBC Travel, duke veçuar recetat tradicionale të gjysheve shqiptare që po trashëgohen brez pas brezi dhe që janë një pikë e fortë e sipërmarrjeve të reja të agroturizmit të hapura në vendin tonë 👩🍳🍚🥙🫕🥘🍞🥞🫓🍯”, shkruan Rama.
View this post on Instagram
Top Channel
