Bloomberg publikon telefonatën mes të dërguarit të SHBA-së dhe këshilltarit të Putin, ja si i udhëzoi Witkoff rusët që t’i “shisnin” planin 28 pikësh Trumpit 25/11 23:08
Kryeministri britanik, Keir Starmer, deklaroi në një videokonferencë me udhëheqësit e Francës dhe Gjermanisë, se Britania e Madhe do të dërgojë më shumë raketa mbrojtëse ajrore në Ukrainë në javët e ardhshme.
Njoftimi i Starmer vjen ndërsa Ukraina deklaroi mbështetjen e saj për një marrëveshje paqeje me Rusinë, ndërsa vuri në dukje se çështjet e ndjeshme duhet të zgjidhen në takimin midis Presidentit Volodymyr Zelensky dhe Presidentit të SHBA-së Donald Trump.
Në të njëjtën kohë, zëdhënësja e Shtëpisë së Bardhë, Caroline Levitt tha se ende ka “disa çështje të ndjeshme, por jo të pakapërcyeshme” të pazgjidhura në kuadrin e paqes që po zhvillohet për t’i dhënë fund luftës në Ukrainë, duke theksuar se këto detaje kërkojnë bisedime të mëtejshme midis Kievit, Moskës dhe Uashingtonit.
“Gjatë javës së kaluar, Shtetet e Bashkuara kanë bërë përparim mbresëlënës drejt një marrëveshjeje paqeje, duke i sjellë Ukrainën dhe Rusinë në të njëjtën tryezë bisedimesh. Ka disa detaje të ndjeshme, por jo të pakapërcyeshme, që duhen zgjidhur dhe do të kërkojnë bisedime të mëtejshme midis Ukrainës, Rusisë dhe Shteteve të Bashkuara”, ka shkruar Levitt në rrjetin e saj X.
Over the past week, the United States has made tremendous progress towards a peace deal by bringing both Ukraine and Russia to the table.
There are a few delicate, but not insurmountable, details that must be sorted out and will require further talks between Ukraine, Russia,…
— Karoline Leavitt (@PressSec) November 25, 2025
Top Channel
