I vodhi celularin, 19-vjeçari bën për spital autorin, në gjendje kritike për jetën 24/11 13:43
Liderët e vendeve të Bashkimit Europian janë takuar në Angola për të diskutuar mbi planin e paqes mes Ukrainës dhe Rusisë.
Kryeministri i Polonisë, Donald Tusk paralajmëroi se asnjë marrëveshje nuk duhet të rrezikojë sigurinë e Polonisë dhe Evropës.
Ndërsa Kancelari gjerman, Friedrich Merz nënvizoi se Evropa duhet të mbrojë interesat e Ukrainës dhe vendi ka nevojë për forca të armatosura të forta dhe garanci sigurie.
Presidenti i Këshillit Evropian, António Costa, kërkoi që vendimet mbi sanksionet, zgjerimin dhe pasuritë e bllokuara të merren me pjesëmarrje të plotë të BE-së.
Presidentja e Komisionit Evropian, Ursula von der Leyen, tha se puna mbi marrëveshjen e paqes nuk ka përfunduar, por tani ekziston një “bazë solide për të ecur përpara”. Ajo shtoi se “vetëm Ukraina si vend sovran mund të vendosë për forcën e saj të armatosur dhe fatin e saj”.
Takimi vjen ndërsa tensionet në Ukrainë mbeten të larta, dhe liderët europianë insistojnë te siguria dhe sovraniteti i vendit.
Top Channel
