“I forti i Lushnjës” kërkon ulje dënimi, Gjykata e Lartë jep vendimin për Aldo Baren 14/11 08:44
Mjekët në NYU Langone Health në SHBA thonë se dy studime të reja tregojnë se janë një hap i madh më afër mundësisë që veshkat e derrit të përdoren për transplant tek njerëzit, një alternativë që prej vitesh konsiderohet zgjidhja e mungesës së organeve.
Aktualisht, mbi 90 mijë amerikanë presin një transplant veshke dhe rreth 11 persona humbin jetën çdo ditë për shkak të mungesës së dhuruesve, sipas CNN.
Ndërkohë që rastet e diabetit, presionit të lartë dhe obezitetit rriten, nevoja për organe rritet gjithnjë e më shumë. Dializa mban pacientët gjallë për disa vite, por nuk është zgjidhje afatgjatë.
Në një nga studimet, mjekët e NYU transplantuan veshkën e një derri të modifikuar gjenetikisht tek një person të shpallur i vdekur, Maurice Miller, 57 vjeç, i cili kishte dëshiruar të dhuronte organet por s’mundej për shkak të kancerit.
Për 61 ditë, trupi i Miller u mbajt në funksion në terapi intensive, ndërsa mjekët monitoruan në detaje organin, gjakun dhe reagimin imunitar. Dy herë, trupi tentoi ta refuzonte veshkën e derrit, por për herë të parë në historinë e xenotransplantimit, mjekët arritën të ndalin refuzimin me ilaçe standarde antirefuzimi. Organit iu rikthye funksionimi normal.
Sipas ekspertit kryesor, Dr. Robert Montgomery, këto të dhëna tregojnë se veshkat e derrit mund të kryejnë shumicën e funksioneve të një veshke njerëzore dhe se reagimet e trupit mund të kontrollohen.
Gjatë studimit, mjekët krijuan hartën më të detajuar ndonjëherë të mënyrës si sistemi imunitar njerëzor reagon ndaj një organi të derrit. Ata analizuan mbi 5,100 gjene dhe identifikuan çdo qelizë imune që merr pjesë në procesin e refuzimit.
Këto të dhëna mund të ndihmojnë në krijimin e ilaçeve të reja dhe zbulimin shumë më të hershëm të refuzimit të organit.
Vitin e kaluar, pacienti amerikan Tim Andrews mbajti një veshkë derri funksionale për 271 ditë, një rekord historik. Organit iu ul funksioni vetëm pas gati 9 muajsh. Ekspertët e transplantit thonë se studimet e reja janë dëshmi e qartë se veshkat e derrit të modifikuara gjenetikisht mund të funksionojnë në qarkullimin njerëzor.
Shkencëtarët tashmë kanë siguruar financimin për të testuar teknikat e reja të imunosupresionit në 20 pacientë të tjerë, si pjesë e fazës së parë klinike.
Top Channel
