“Posti juaj duhet të zgjidhet nga qytetarët”, Musk kundër Von der Leyen: Demokracia është themeli i lirisë 12/11 20:55
Dhjetëra kolonë izraelitë kanë kryer sulme zjarrvënëse ndaj depove palestineze, një fshati beduinësh dhe tokave bujqësore në veri të Bregut Perëndimor, të martën, duke plagosur disa palestinezë.
Ky incident është pjesë e një rritje të dhunës që ka përfshirë territorin e pushtuar, veçanërisht gjatë sezonit të korrjes së ullinjve, kur palestinezët janë në tokat e tyre bujqësore.
Sulmet e së martës përfshinin vënien në flakë të një depoje palestineze në Beit Lid dhe shkatërrimin e tendave në fshatin beduin të Deir Sharaf. Pamjet tregojnë dhjetëra burra të maskuar duke sulmuar zonat e mësipërme.
Ministri i Autoritetit Palestinez, Muayyad Shaaban, tha se këto sulme janë pjesë e një fushate për të krijuar një “mjedis armiqësor” përmes frikësimit dhe terrorit ndaj palestinezëve. Forcat Mbrojtëse të Izraelit (IDF) shpallën se ata kishin ndërhyrë për të shpërndarë konfrontimin dhe arrestuar disa kolonë izraelitë.
Numri i sulmeve të dhunshme nga kolonët izraelitë ka arritur nivele alarmante. Zyra e OKB-së për Koordinimin e Çështjeve Humanitare raportoi se në tetor të 2023 u regjistruan më shumë se 260 sulme kolonësh, duke arritur një mesatare prej tetë incidentesh në ditë.
OKB-ja gjithashtu ka shënuar se dhuna e kolonëve gjatë sezonit të korrjes së ullinjve ka arritur nivelin më të lartë të regjistruar, me rreth 150 sulme që kanë shkaktuar mbi 140 të plagosur dhe shkatërruar më shumë se 4,200 pemë dhe fidanë.
Top Channel
