Ish e fejuara e djalit të Trump, ambasadore e SHBA në Greqi

Ish-e fejuara e djalit të Donald Trump,  është ambasadorja e 25-të e SHBA-ve në Greqi dhe e para grua që mban këtë post në historinë e marrëdhënieve dypalëshe. Ish-prokurore dhe personalitet televiziv në SHBA, ajo njihet si një figurë e afërt me komunitetin greko-amerikan dhe një zë i fortë për forcimin e lidhjeve transatlantike.

Megjithëse pa një eksperiencë diplomatike , gjithashtu ajo njihet si një figurë e fuqishme në qarqet konservatore në Shtetet e Bashkuara, mbështetëse e fortë e Trump ,e njohur për karrierën e saj të larmishme si avokate, prezantuese televizive dhe konsulente politike.

Menjëherë pas ceremonisë, ambasadorja amerikane zhvilloi takimin e parë zyrtar me ministrin e Jashtëm të Greqisë, Jorgos Gerapetritis, ku u diskutua për thellimin e bashkëpunimit dypalësh në fushën e energjisë dhe sigurisë, si dhe për rolin e Greqisë si partner strategjik në Mesdheun Lindor. Mëngjesin e së mërkurës , Kimberly Guilfoyle u prit nga kryeministri Kyriakos Mitsotakis në zyrën e tij . Kreu i qeverisë greke e përshëndeti ardhjen e saj në një moment kur – siç tha – marrëdhëniet greko-amerikane ndodhen në një nivel të lartë historikisht.

“Mirë se vini, dhe mezi pres një partneritet shumë konstruktiv.”

“Faleminderit shumë, Z. Kryeministër. Do të them vetëm se është një nder dhe privilegj të jem këtu në praninë tuaj dhe në vendin tuaj të mrekullueshëm dhe në Athinë dhe në vendlindjen e demokracisë”-u shpreh ambasadorja.

Ambasadorja e re amerikane ka shprehur bindjen se partneriteti mes SHBA-së dhe Greqisë do të arrijë nivele të reja bashkëpunimi në fushat e politikës, tregtisë, sigurisë dhe energjisë.

Top Channel