Maldivet ndalojnë pirjen e duhanit për këdo që ka lindur pas janarit 2007, bëhet vendi i vetëm në botë me një rregull të tillë 04/11 22:30
Dick Cheney, ish-zëvendëspresident i SHBA-së dhe një nga figurat më të fuqishme të administratës George W. Bush, ka ndërruar jetë në moshën 84 vjeçare nga ndërlikimet e pneumonisë dhe sëmundjeve kardiake.
Familja Cheney njoftoi vdekjen e tij të hënën në mbrëmje, duke thënë se ai ishte një “njeri i shkëlqyer dhe i mirë”, i cili ndikoi në jetët e fëmijëve dhe nipërve të tij.
Dick Cheney, i njohur për rol të jashtëzakonshëm si nënkryetar i SHBA-së në administratën Bush, la pas një trashëgimi të diskutueshme, përfshirë rolin kyç në luftën kundër terrorizmit dhe në pushtimin e Irakut në vitin 2003. George W. Bush, i cili shprehu pikëllimin e tij për ndarjen nga Cheney, e cilësoi atë si një nga “nënpunuesit më të mirë publikë” të gjeneratës së tij.
“Historia do ta kujtojë atë si një patriot të palëkundur, i cili gjithmonë e vuri sigurinë dhe lirinë e popullit amerikan në përparësi.”
Ish-sekretarja e Shtetit, Condoleezza Rice, e cilësoi Cheney-n si “një prani frymëzuese” dhe një mentor të rëndësishëm gjatë periudhës së administratës Bush. Bill Clinton, ish-presidenti demokrat, e respektonte pavarësisht dallimeve politike, duke theksuar përkushtimin e Cheney-t për vendin.
“Edhe pse shpesh nuk pajtoheshim, unë gjithmonë e respektoja përkushtimin e tij ndaj vendit tonë dhe ndjenjën e tij të palëkundur të detyrës.”
Në të njëjtën kohë, figura si Sinan Antoon, shkrimtar irakian, e cilësoi trashëgiminë e Cheney-t si “kaos dhe terrorizëm”.
Kristofer Goldsmith, një veteran i Ushtrisë Amerikane, gjithashtu kritikoi fuqishëm rolin e Cheney-t në shpërthimin e Luftës në Irak, duke thënë se ai “krijoi një problem masiv që përfundoi me qindra mijëra vdekje”.
Dick Cheney pati një karrierë të gjatë dhe të pasur politike, duke filluar si shef i stafit në vitin 1975, përpara se të kalonte një dekadë në Dhomën e Përfaqësuesve dhe të bëhej Sekretar i Mbrojtjes nën George H. W. Bush.
Por ishte roli i tij si zëvendëspresident në administratën Bush që e shndërroi atë në një figurë politike të jashtëzakonshme dhe të diskutueshme. Cheney u bë një “zëvendëspresident de facto”, duke mbikëqyrur politikën e jashtme dhe sigurinë kombëtare pas sulmeve të 11 shtatorit 2001.
Top Channel
