Iu hoqën titujt mbretëror, Mbreti Charles akordon një shumë për shpërnguljen e princit nga rezidenca mbretërore dhe një pension vjetor 31/10 22:54
Drejtori i FBI-së, Cash Patel, njoftoi se një “sulm i mundshëm terrorist” i planifikuar të ndodhte në Michigan të SHBA-së, gjatë fundjavës së Halloween-it është parandaluar.
“Këtë mëngjes, FBI-ja parandaloi një sulm të mundshëm terrorist dhe arrestoi disa individë në Michigan, të cilët dyshohen se planifikonin një sulm gjatë fundjavës së Halloween-it”, tha Patel.
Kreu i policisë federale nuk dha detaje të mëtejshme. Sipas CBS News, duke cituar burime policore, sulmi ishte “i frymëzuar” nga Shteti Islamik. Rrjeti televiziv amerikan specifikoi se pesë persona të moshës midis 16 dhe 20 vjeç u arrestuan.
Të paktën një nga të arrestuarit njihte një ish-anëtar të Gardës Kombëtare të Michiganit, i cili u arrestua në maj me akuzën e planifikimit të një sulmi terrorist ndaj objekteve ushtarake amerikane në periferi të Detroit-it.
FBI kishte monitoruar një diskutim online në lidhje me këtë sulm për njëfarë kohe, sipas mediave amerikane.
CNN raportoi se anëtarët që morën pjesë në diskutim ishin trajnuar me armë automatike dhe kishin folur për “Ditën e Kungullit”, simbolin e Halloween-it.
Policia e Dearbornit njoftoi në Facebook se FBI-ja kishte kryer arrestime në qytet, i cili ndodhet në periferi të Detroitit.
“Ne i sigurojmë banorët e qytetit tonëse aktualisht nuk ka asnjë kërcënim për popullsinë”, tha policia e qytetit në një deklaratë.
Top Channel
