Pas kryeprokurorit Olsian Çela dhe kreut të SPAK Altin Dumani, në kuvend raportoi edhe kreu Inspektoratit të Lartë në Drejtësi Artur Metani.
Tejzgjatja e proceseve gjyqësore tha zoti Metani ndikon drejtpërdrejtë në perceptimin dhe besimin e publikut në sistemin e drejtësisë, rritja e besimit të të cilit është një nga shkaqet kryesore, për të cilën u ideua dhe u ndërmor reforma në drejtësi.
Kreu ILD ngriti shqetësimin se mosplotësimi i vakancave në gjykatat e shkallës së parë dhe në veçanti në Gjykatën e Apelit të Juridiksionit të Përgjithshëm dhe Gjykatën Administrative të Apelit.
Deputeti demokrat Bardh Spahia e pyeti zotin Metani çfarë ndikimi kanë tek gjyqësori qëndrimet e kryeministrit Edi Rama për gjyqtarë apo prokurorë të caktuar.
“Çdo kritikë apo fyerje që shkon përtej kritikës normale të punës së gjyqtarëve është anti-kushtetuese”, u shpreh Artur Metani.
Një tjetër pyetje për kreun e ILD lidhej me draftin e kodit të ri penal.
“ILD nuk ka qenë e përfshirë në garantimin e draftit të kodit penal na është sjellë për mendim”, shtoi Metani.
Oerd Bylykbashi foli për një përkeqësim të marrjes drejtësi të shqiptarëve pas reformës në drejtësi. Bylykbashi u shpreh se ‘stoku i çështjeve gjykatë. Përkeqësuar para se të fillonte reforma në drejtësi gj lartë 21.000 çështje, apeli 42000 çështje, shkalla parë 42000. Dhe 82.000 te reja gjatë 2024.
Por socialisti Fatmir Xhafaj kishte një qasje krejt tjetër për reformën në drejtësi.
Diskutimet në kuvend vijuan deri pas mesnatës. Në pa mundësi kohe KLGJ dhe KLP do të raportojnë seancën e ardhshme të enjten.
Top Channel
