Uragani Halong sjell përmbytje dhe shkatërrime në Alaskë, 1 person humb jetën

Videoja kap momentin kur një shtëpi përfshihet nga ujërat e rrëmbyeshme në Kwigillingok, ndërsa banorët shikojnë të pafuqishëm.

Zyrtarët në Alaskë nxituan të martën për të evakuuar dhe për të gjetur strehim për njerëzit nga fshatrat e vegjël bregdetarë të shkatërruar nga mbetjet e tajfunit Halong.

Në Kwigillingok, një grua 67-vjeçare u gjet e vdekur, ndërsa autoritetet pezulluan kërkimin për personat e zhdukur pasi shtëpia e tyre u shemb dhe u zhduk.

Before and After of Kipnuk, Alaska after the Typhoon the other day… 🤯🤯🤯 pic.twitter.com/tOMucXNwGg

— Justa_Guy (@Justa_Guy907) October 16, 2025

Stuhia e fuqishme u zhvendos në Detin e Beringut të dielën, duke sjellë erëra të forta, dallge të mëdha dhe përmbytje në bregdetin e Deltës Kuskokwim dhe komunitetet në jug të Ngushticës së Beringut. Shërbimi meteorologjik tha se erërat deri në 160 kilometra në orë u regjistruan gjatë fundjavës.

The remnants of Typhoon Halong have devastated parts of Western Alaska, with Kipnuk, Kwigillingok, Bethel, Kotzebue, and Nome among the hardest hit. Homes were swept away, many were displaced, and rescue efforts are ongoing.@RedCrossAK volunteers are on the ground helping those… pic.twitter.com/Fk4e0UR8Fs

— American Red Cross (@RedCross) October 15, 2025

Policia Shtetërore e Alaskës tha se më shumë se 30 persona u shpëtuan në komunitete në Deltën Yukon-Kuskokwim gjatë fundjavës. Të paktën 18 persona u shpëtuan në Kwigillingok dhe 16 në Kipnuk, tha policia. Komunitetet nuk janë të lidhura me rrugë tokësore dhe mund të arrihen vetëm nga ajri ose deti.

Stuhia e fuqishme pritet të vazhdojë deri në fillim të javës së ardhshme. Një paralajmërim për përmbytje është lëshuar për pjesën më të madhe të bregdetit të Alaskës deri të hënën pasdite, me nivelet e ujit që arrijnë 2 metra mbi normalen.

Top Channel