Google planifikon të investojë 15 miliardë dollarë në qendrat e të dhënave në Indi 15/10 11:22
Qeveria britanike është nën presion të publikojë provat lidhur me rastin e spiunazhit për Kinën, pasi Shërbimi i Prokurorisë së Kurorës (CPS) njoftoi se nuk do të pengonte publikimin e tyre.
Ky kërkesë vjen nga konservatorët dhe demokratët liberalë, të cilët kërkojnë transparencë për çështjen që ka përfshirë dy individë, Christopher Cash dhe Christopher Berry, të akuzuar për spiunazh për Kinën.
Rasti u mbyll muajin e kaluar për shkak të mungesës së provave të mjaftueshme që do të mund të përdoren në gjykatë. CPS ka sqaruar se materialet që janë përdorur në këtë çështje nuk janë nën kontrollin e saj dhe është në dorë të qeverisë të vendosë për publikimin e tyre.
Ministrat janë kritikuar për mënyrën se si e trajtuan këtë çështje dhe ka pasur dyshime se ata mund të jenë të interesuar ta mbulojnë çështjen për të ruajtur marrëdhëniet me Kinën. Kjo ka shkaktuar polemika, sidomos nga udhëheqësja konservatore Kemi Badenoch, e cila e akuzoi qeverinë laburiste për të qenë shumë të butë ndaj Pekinit.
Në një letër të dërguar kryeministrit, Badenoch kërkoi që qeveria të përgjigjej në lidhje me “pyetjet e papërgjigjura” në lidhje me këtë çështje të rëndësishme të sigurisë kombëtare. Ndërkohë, zëdhënësi i Çështjeve të Jashtme të Liberal Demokratëve, Calum Miller, ka bërë thirrje për publikimin e plotë të provave për të shmangur dyshimet mbi mbulimin e ngjarjeve dhe mundësinë e ndikimit nga Kina.
Top Channel
