Hapi tjetër në botën e Grok po ndërmerret nga Elon Musk, i cili njoftoi se po zhvillon një platformë konkurruese të Wikipedia-s përmes startup-it të tij të inteligjencës artificiale xAI, një platformë e quajtur “Grokipedia”.
Musk tha se shërbimi i ri do të jetë një “përmirësim masiv” i enciklopedisë së famshme online, hyrjet e së cilës krijohen dhe redaktohen nga vullnetarë.
Miliarderi e ka akuzuar prej kohësh Wikipedia-n për paragjykime politike, duke pretenduar se ajo pasqyron pikëpamjet e krahut të majtë.
xAI is building Grokipedia, an open source knowledge repository where truth is the mission
This will be available to the public with no limits on use
Its knowledge base is purely built on truth and facts
Soon, Grokipedia will be the most trusted source for everything, by every… pic.twitter.com/qiaMaEt2CW
— X Freeze (@amXFreeze) September 30, 2025
Pak para njoftimit të Musk, një aleat i tij, David Zacks, i cili u emërua së fundmi nga Presidenti Donald Trump si komisioner i administratës së tij për inteligjencën artificiale, kishte kritikuar përdorimin e përmbajtjes së Wikipedia-s për të trajnuar softuerë të inteligjencës artificiale.
Emri Grokipedia vjen nga chatbot-i i xAI-së, Grok, për të cilin Musk ka thënë se “kërkon të vërtetën në masën më të plotë”.
Por Grok është kritikuar në muajt e fundit për prodhimin e komenteve antisemite që kompania e Musk ia atribuoi programimit të gabuar.
Top Channel
