E rëndë në Gjermani, burri vret partneren dhe fëmijët e tij përpara se të kryente vetëvrasje 29/09 21:46
Kryeministri izraelit, Benjamin Netanyahu i kërkoi falje Katarit për sulmin në Doha, ndërsa ndodhej në Shtëpinë e Bardhë, sipas një burimi izraelit.
Veçmas, një person i njohur konfirmoi gjithashtu se Netanyahu i kërkoi falje kryeministrit të Katarit në një telefonatë nga Shtëpia e Bardhë.
Netanyahu nuk tha se i vinte keq që kishte shënjestruar Hamasin, tha burimi izraelit, por i kërkoi falje kryeministrit për shkeljen e sovranitetit të Katarit gjatë kryerjes së sulmit.
Në një intervistë të dielën, Netanyahu tha: “Qëllimi ynë ishte Hamasi. Asgjë përtej tij. Mendoj se mund të gjejmë një mirëkuptim për këtë.”
Burimi izraelit tha se falja ishte pjesë e një marrëveshjeje në mënyrë që Katari të ushtronte presion mbi Hamasin për të pranuar propozimin prej 21 pikash të administratës Trump për t’i dhënë fund luftës.
Telefonata u raportua për herë të parë nga Axios.
Netanyahu gjithashtu kërkoi falje për dëmtimin e një civili. Sulmi vrau një roje sigurie nga Katari, i cili ishte në ndërtesën që u shënjestrua.
Udhëheqësit e Izraelit dhe Katarit nuk janë raportuar kurrë publikisht se janë takuar zyrtarisht ose kanë folur drejtpërdrejt deri të hënën. Megjithatë, kontakte të fshehta dhe të tërthorta, si dhe ndërveprime diplomatike kanë ndodhur prej vitesh.
Telefonata ndodhi ndërsa Netanyahu ishte në Shtëpinë e Bardhë për një takim me Presidentin e SHBA-së Donald Trump mbi planin 21-pikësh të mbështetur nga SHBA-të. Katari është një ndërmjetësues kritik në bisedimet e armëpushimit, i aftë të komunikojë me Hamasin, Izraelin dhe SHBA-në.
Top Channel
