Katari, Egjipti dhe Turqia i kërkojnë Hamasit të pranojë planin e paqes të Trumpit 30/09 22:53
Protestuesit nga lëvizja e sapoformuar “Blloko Gjithçka” në Francë mbajtën demonstrata në autostrada dhe ndërprenë trafikun, ndërsa qindra njerëz u arrestuan.
Raportet e para për protestat e së mërkurës “Blloko gjithçka” u shfaqën në mediat sociale gjatë verës, duke bërë krahasime me protestat e “Jelekëverdhëve” të vitit 2018, të cilat fillimisht protestuan kundër rritjes së çmimeve të karburantit, por u shndërruan në një lëvizje më të gjerë kundër Presidentit Francez Emmanuel Macron dhe planeve të tij për reforma ekonomike.
Anëtarët e lëvizjes “Blloko gjithçka”, të cilën analistët dhe zyrtarët thonë se filloi me grupe të krahut të djathtë përpara se të përhapej në të majtë dhe të majtë ekstreme, besojnë se sistemi politik nuk është më i përshtatshëm për qëllimin e tij.
Protestat mund të përkeqësojnë trazirat politike në Francë dy ditë pasi parlamenti rrëzoi kryeministrin Francois Bayrou në një votë mosbesimi. Të martën, Macron emëroi kryeministrin e tij të pestë në më pak se dy vjet, Sébastien Lecornu. Partia e ekstremit të majtë France Insubordinate ka thënë tashmë se do të paraqesë një mocion mosbesimi kundër tij, megjithëse Tubimi Kombëtar i ekstremit të djathtë ka sinjalizuar se do të ishte i gatshëm të bashkëpunonte me të për momentin.
Ministri i Brendshëm Bruno Retaill u tha gazetarëve të mërkurën në mëngjes se rreth 50 persona të maskuar ishin përpjekur të fillonin një bllokadë në Bordeaux, ndërsa në Tuluzë, një zjarr në kabllo që u vu shpejt nën kontroll arriti të ndërpresë trafikun midis Tuluzës dhe Aix në Francën jugperëndimore.
Retaillo tha se disa veprime u zhvilluan edhe në Paris gjatë natës, megjithëse nuk dha detaje. Policia e Parisit tha mbi 200 persona ishin arrestuar.
Mediat franceze kishin raportuar se 100,000 njerëz pritej të merrnin pjesë në demonstrata.
Intervention policière pour lever le blocage du périphérique parisien au niveau de Porte de la Chapelle.
Des manifestants se font matraquer. #10septembre2025 pic.twitter.com/4CLME37iwK
— Enzo Rabouy (@enzorabouyy) September 10, 2025
Top Channel
