Dosja e SPAK për Veliajn shkon në GJKKO, ja për çfarë akuzohet ish-deputetja e PS
10/09/2025 16:40
Mbytet i mituri në plazhin e Durrësit 10/09 20:01
SPAK ka dërguar në GJKKO dosjen për Erion Veliajn, Ajola Xoxën dhe 16 persona të tjerë të pandehur, si dhe shoqëri apo organizata jofitimprurëse.
Mes personave të pandehur është edhe ish-deputetja e PS, Klotilda Bushka, e cila akuzohet zyrtarisht për kryerjen e veprës penale të “Veprime që pengojnë zbulimin e së vërtetës”, parashikuar nga neni 301 i Kodit Penal;
Siç dyshon SPAK ajo thirri në zyrat e avokatit të popullit dëshmitaren Ina Goxhaj, të cilës ju mor telefoni dhe ju kërkua të mos fliste.
Sipas SPAK, ekzistojnë të dhëna konkrete, të cilat të çojnë tek dyshimi i arsyeshëm se personi nën hetim Klotilda Bushka ka kryer veprime aktive të kundërligjshme, të cilat kanë interferuar me hetimin e organit procedues në lidhje me procedimin dosjen numër 27 të vitit 2024.
Top Channel
