Zbulohen dosjet sekrete të Boris Johnson me ‘kokat’ e Emirateve, ish-kryeministri britanik shkeli etikën për të përfituar para 09/09 16:45
Zëvendëskryeministrja, njëherësh ministre e Energjisë dhe e Infrastrukturës, Belinda Balluku, deklaroi se në vendin tonë janë ndërtuar mbi 1 mijë kilometra rrugë.
Gjatë Konferencës së Ambasadorëve “Diplo 2025″, ajo u shpreh gjithashtu janë ndërtuar edhe 30 kilometra tunele e më shumë se 20 mijë metra ura.
“Janë projekte rajonale të rëndësishme që kontribuojnë në ndërlidhjen e Ballkanit Perëndimor dhe, nga ana tjetër, duke pasur parasysh pozicionin gjeografik të jashtëzakonshëm të vendit tonë, e bëjnë Shqipërinë një portë hyrëse përmes Italisë dhe Greqisë në BE.
Kemi investuar shumë në vitet e fundit në infrastrukturën rrugore, si një nga infastrukturat parësore. Kemi ndërtuar mbi 1 mijë kilometra rrugë, mbi 30 kilometra tunele e më shumë se 20 mijë metra ura, për të lidhur veriun me jugun, lindjen dhe perëndimin, për të ndërlidhur Shqipërinë me të gjitha vendet fqinje, duke shkurtuar kohët e udhëtimit në maksimum”, tha Balluku.
Sot është dita e dytë e Konferencës së Ambasadorëve “Diplo 2025“, me temë “Shqipëria 2030, e ndërlidhur me botën”.
Top Channel
