Thanë se ka ndërruar jetë, Trump reagon i revoltuar: Dy ditë të mos dal unë në konferencë…
03/09 14:31
Deputeti socialist, Erion Braçe, vijon të denoncojë rastet e skemave piramidale online.
Në një videomesazh në rrjetin social, Facebook, socialisti i drejtohet qytetarëve duke u thënë se i kishte paralajmëruar.
Ai thotë se Xuex ka bllokuar paratë e shqiptarëve, ndërsa u bën thirrje autoriteteve që të ndërdyjnë urgjentisht.
Reagimi i deputetit të PS, Erion Braçe:
5 ditë – 120 orë nga dita kur Xuex bllokoi tërheqjen e parave nga piramida;
5 ditë – 120 orë nga premtimi i Leo Smith për të ndërtuar një blok-program (siç shkruante) të ri që do ju mundësonte tërheqjen e parave!
Asgjë nuk ka ndodhur!
Ju keni 5 ditë pa mundësinë për të tërhequr paratë tuaja!
U pata paralajmëruar për këtë; piramidat kështu veprojnë, ja ku jemi tani!
Për të gjithë ata që më shkruajnë e më pyesin “a do na lejoni të marrim paratë tona e pastaj mbyllini”, dua të them:
As unë e as kërkush nuk ua mundëson këtë!
Ua thotë Leo Smithi vetë në mesazhet në grupin e Telegramit – vetëm ai, grupi i tij EG, platforma e tij Xuex, Joana, në bashkëpunim me agjentët tuaj,
kanë këtë mundësi!
Janë ata zotëruesit e platformës piramide dhe parave tuaja, askush tjetër!
Ndërkohë nëse doni një këshillë nga unë:
Denonconi pranë autoriteteve grabitjen e parave tuaja, sic qytetarët evropianë bënë pranë autoriteteve të tyre për call center-at me bazë në Shqipëri që i grabisnin;
Bëjeni që autoritet shqiptare në bashkëpunim me ato ndërkombëtare të ndjekin zotëruesit e piramidave!
Asgjë tjetër nuk ka mbetur për t’u bërë!
Paratë tuaja i ka dhe i ka bllokuar, grabitur Leo Smith – Xuex në këtë rast, Txex më parë, Grokr etj!
Top Channel
