Mashtrime me abonimin Prime? Amazon bën gati miliardat për t’i shpëtuar gjyqit 25/09 22:39
Të paktën 1,000 persona kanë humbur jetën nga një rrëshqitje dheu në malet Marra në Sudanin Perëndimor, sipas një deklarate të Lëvizjes/Ushtrisë Çlirimtare të Sudanit, një grup rebel që operon në zonë.
Sipas grupit, rrëshqitja e dheut ndodhi të dielën pas reshjeve të dendura, duke rrafshuar pjesën më të madhe të fshatit Tarasin dhe duke lënë vetëm një të mbijetuar. Lëvizja ka kërkuar ndihmë humanitare nga Kombet e Bashkuara dhe organizata të tjera ndërkombëtare.
Malet Marra janë kthyer në një strehë për civilët që kanë ikur nga Darfuri i Veriut, për shkak të luftës civile midis ushtrisë sudaneze dhe Forcave të Mbështetjes së Shpejtë (RSF) që nisi në prill të vitit 2023. Mbi 800,000 persona janë larguar nga Darfuri që nga fillimi i konfliktit.
Guvernatori i Darfurit, Minni Minnawi, e quajti ngjarjen një “tragjedi humanitare”. Ai është i lidhur me ushtrinë sudaneze, ndërsa fraksione të Lëvizjes Çlirimtare janë zotuar të luftojnë përkrah ushtrisë kundër RSF-së.
Lufta ka shkaktuar krizë humanitare, uri të përhapur dhe akuza për gjenocid në rajonin e Darfurit. Një zyrtar amerikan ka vlerësuar se deri në 150,000 njerëz janë vrarë dhe rreth 12 milionë janë zhvendosur që nga nisja e konfliktit.
Top Channel
