Transport droge në Tiranë, bien në pranga dy persona në Kamëz
01/09/2025 10:32
Aksident në autostradën Fier-Vlorë, një i vdekur dhe një i plagosur rëndë 01/09 15:13
Dy persona kanë rënë në prangat e policisë për shitje droge në Tiranë.
Shërbimet e Komisariatit të Policisë Nr. 5, në bashkëpunim me Seksionin për Hetimin e Narkotikëve, bazuar në informacionet e siguruara se dy shtetas do të transportonin një sasi lënde të dyshuar narkotike kanabis, me qëllim shitjen, kanë organizuar operacionin policor të koduar “The bag”.
Si rezultat i operacionit u arrestuan shtetasit E. Ç., 18 vjeç dhe A. N., 26 vjeç.
Këta shtetas janë kapur në flagrancë nga shërbimet e Policisë, në fshatin Zall Mner, me një çantë me rreth 675 gramë lëndë të dyshuar narkotike cannabis sativa, që dyshohet se po e transportonin në Tiranë, me qëllim shitjen.
Materialet procedurale i kaluan Prokurorisë, për veprime të mëtejshme.
Top Channel
