Çfarë solli takimi mes Xi Jinping dhe Narendra Modit në Kinë? CNN: Lideri kinez dhe ai indian folën për miqësi ‘mes kaosit’ teksa tarifat e Trump ashpërsohen 31/08 20:02
Nga data 1 shtator, Australia e Jugut do të ndalojë përdorimin e shisheve të vogla të salcës së sojës në formë peshku, që shpesh shoqërojnë ushqimet me sushi të paketuara.
Ky është një hap i ri në kuadër të një plani më të gjerë për të reduktuar përdorimin e plastikës njëpërdorimshe.
Shishet e njohura si shoyu-tai, të shpikura në Japoni në vitet 1950, fillimisht ishin prej qelqi apo qeramike, por më vonë filluan të prodhohen nga plastika. Ekspertët thonë se përmasat e tyre të vogla i bëjnë të papërshtatshme për përpunim në makineritë e riciklimit, dhe për këtë arsye përfundojnë zakonisht në landfille.
Ky ndalim është pjesë e një legjislacioni të ri mjedisor që pason ndryshimet e bëra në shtatorin e vitit 2023, kur u ndaluan qeset plastike në supermarkete, pipat plastikë, lugët, përzierësit e pijeve, shkopinjtë e pambukut dhe konfeti plastik.
Ndalimet e reja përfshijnë gjithashtu etiketa të padekompozueshme për frutat dhe perimet si dhe tasat e gotat plastike për ushqimet e gatshme.
Nisma të ngjashme janë ndërmarrë edhe në Angli, Skoci dhe Uells. Në Angli, që nga tetori i vitit 2023, ndalimi i enëve plastike njëpërdorimshe dhe tarifimi i qeseve ka çuar në një rënie prej 97% në përdorimin e tyre, sipas qeverisë.
Top Channel
