Pesë mijë dollarë për këdo që largohet nga vendi, zbulohet plani për ndërtimin e Gazës 31/08 23:10
Presidentja e Komisionit Evropian, Ursula von der Leyen, ka deklaruar për Financial Times se Evropa tashmë ka një plan “mjaft të saktë” për të dërguar trupa në Ukrainë, si pjesë e përpjekjeve për të garantuar sigurinë e vendit në luftën kundër agresionit rus.
Në intervistë, von der Leyen theksoi se garancitë e sigurisë për Ukrainën mbeten prioritet absolut për Bashkimin Evropian. Ajo nënvizoi gjithashtu se ish-presidenti amerikan Donald Trump i ka siguruar partnerët evropianë për një formë të prezencës amerikane në kuadër të një marrëveshjeje të tipit “backstop” për Ukrainën – një angazhim që, sipas saj, është përsëritur disa herë.
Pavarësisht dyshimeve të ngritura kohët e fundit mbi qëndrimin e Uashingtonit dhe koordinimin e ngushtë transatlantik, von der Leyen ka pohuar se ekziston një plan konkret veprimi, në bashkëpunim me SHBA-në, për hapat e ardhshëm në rajon.
Ndërkohë, Financial Times raportoi se një takim i nivelit të lartë pritet të mbahet të enjten në Paris, mes kryeministrit britanik Sir Keir Starmer, shefit të ri të NATO-s Mark Rutte dhe vetë von der Leyen.
Kjo vjen pas samitit të zhvilluar më herët këtë muaj në Uashington, ku aleatët perëndimorë shprehën një ton më optimist për një zgjidhje të mundshme të konfliktit në Ukrainë.
Megjithatë, përballë pengesave të vazhdueshme nga ana e Rusisë, Evropa po përpiqet të ruajë momentin diplomatik dhe ushtarak, në një kohë kur nevoja për koordinim strategjik është më kritike se kurrë.
Top Channel
