Nënkryetarja e Kuvendit të Kosovës, Albulena Haxhiu deklaroi pak përpara nisjes së seancës së radhës në sagën disa mujorë të përpjekjeve për konstituimin e Kuvendit të Kosovës, se kjo seancë në fakt, mund të jetë e fundit.
Mes pretendimeve të ngritura edhe publikisht të opozitës se Albin Kurti e bllokon vetë këtë proces, Haxhiu insistoi se është shumë e rëndësishme që të zgjidhjet nënkryetari i Kuvendit nga komuniteti serb në të kundërtën kjo situatën e dërgon vendin drejt zgjedhjeve.
Ne nuk jemi të interesuar për proces zgjedhor, këmbënguli ajo, por duam të jetë ketë formim të institucioneve qeverisëse, e këtë sipas numrit dy të Kuvendit, po e pengojnë partitë e tjera.
“Sot mund të jetë seanca e fundit për shkak se nëse sot hedhen në short dhe nuk ka tjetër që pret atëherë nuk ka arsye që të mblidhemi pas 48 orëve sepse për çka duhet të mblidhemi këtë do ta vendosim në votim në qoftë se disa kanë refuzuar e disa nuk i kanë marr votat. Prandaj, është e rëndësishme që ta konstituojmë Kuvendin sepse kjo qon në zgjedhje.
Ne nuk jemi të interesuar që të shkojmë në zgjedhje ne mendojmë se që duhet të konstituohet Kuvendi i Kosovës, të votohet qeveria por ja që opozita po e pengon këtë. Prandaj, është në dorën e tyre nëse PDK, nëse LDK refuzojnë që ta bëjnë këtë sepse shumë shpesh kemi thënë që ata janë në linjë me votimet e tyre janë në linjë me Listën Serbe, të paktën presim nga Aleanca, nga Nisma që ta bëjnë këtë”, u shpreh Albulena Haxhiu, nënkryetare e Kuvendit të Kosovës.
Procesi i konstituimit ka ngecur aktualisht tek zgjedhja e nënkryetarit nga komuniteti pakicë serb.
Top Channel
