Flet shoku i fëmijërisë së Petro Seferit 60-vjeçarit që u gjend një ditë më parë i dekompozuar në banesën e tij në lagjen nr 4 të qytetit të Korçës.
Admir Sulejmani tregon se 60-vjeçari ishte i varfër dhe nuk kishte familje, pasi bashkëshortja dhe dy fëmijët e kishin braktisur.
“Jam rritur me atë, nga varfëria vdiq, nuk e trajtonte shteti, tani kohëve të fundit i dha një kemp. Ishte i sëmurë,me tension me zemër, s’kishte mundësi financiare, gruaja i kishte ikur me gjithW fëmijët.
Kam kohë pa e parë,ne e dinim se ishte jashtë shtetit, mos e kishin marrë fëmijët apo i vëllai. Nuk kishte fuqi, kishte rënë nga morali nga çdo gjë. Me ne nuk kishte mundësi të dilte për asgjë. Nuk ka shtet këtu, komunë apo çfarë ka, ata nuk interesoheshin që ku është ky person,kur tërhiqte kempin apo çfarë i jepnin. Nuk i dilte as leku asgjë atij.
Ai edhe për të folur nuk fliste dot, nuk i shqiptonte dot fjalët ngaqë ishte i sëmurë. Atij i rrinin duart të mavjosura, buzët, se ishte i sëmurë. Nuk kishte mundësi, vetë jetonte, babai, nëna i vdiq. Një vëlla që kishte as nuk e kemi parë.
Për marrëdhënien me fëmijët nuk të shpjegonte gjë se ishte tip shumë i mbyllur, nuk i kuptoje fjalët që fliste. Asnjeri nuk i hynte dhe i dilte. Kishte mbetur i vetmuar fare. Ai ka edhe një motër. Të afërm ka plot se ai ishte i nipi i Rita Markos që ka qenë në qeverinë e Enver Hoxhës. Kanë qenë njerëz me pozitë.
Ka vilë me 3 kate. Iku i varfër, pa njeri,e gjetën kockë e lëkurë, të kalbur“-tregon ai.
Top Channel
