Zhduket tre vjeçari në Costa del Sol/ Babai britanik kërkon djalin, autoritetet dyshojnë se nëna ruse është arratisur drejt vendlindjes

29/08/2025 17:25

Një fëmijë i vogël, që raportohet i zhdukur, dyshohet se është dërguar në Rusi pasi është rrëmbyer nga nëna e tij në Costa del Sol.

I identifikuar vetëm Oliver P, trevjeçari u zhduk nga Marbella më 4 korrik.

Policia Kombëtare e Spanjës konfirmoi se babai i djalit është britanik dhe jeton në vendin turistik. Ndërkohë, dyshohet se nëna, me kombësi ruse, e ka rrëmbyer djalin. Sipas policisë, gruaja mund të ketë shkuar në vendin e saj të lindjes, por ende nuk dihet vendndodhja e saktë.

Po e trajtojmë rastin si rrëmbim nga prindërit. Besojmë se nëna është larguar nga Spanja dhe e ka çuar djalin në atdheun e saj, që është Rusia”, tha një zëdhënës për Daily Mail.

Autoritetet kërkojnë po ashtu bashkëpunim nga kushdo që ka informacion.

Top Channel