Tronditet Meksika! Trupat e një influencueseje dhe familjes së saj u gjetën brenda një kamioni, lidhjet me kartelat e drogës 29/08 18:55
Mali Fuji shpërtheu për herë të fundit në vitin 1707. Megjithatë, për Ditën e Përgatitjes për Fatkeqësi Vullkanike, zyrtarët japonezë publikuan video të krijuara me ndihmën e inteligjencës artificiale që tregojnë se cilat mund të jenë pasojat e një shpërthimi të vullkanit aktiv.
Sipas Associated Press, videot, e publikuara këtë javë, kanë për qëllim përgatitjen e 37 milionë banorëve të zonës së madhe të Tokios për fatkeqësi të mundshme.
🌋 Tokyo releases AI-generated video of Mount Fuji erupting..
It is all part of an artificial intelligence-generated video the Tokyo Metropolitan Government released last week to raise awareness of what could happen to the capital if Mount Fuji erupted. 🌋 pic.twitter.com/PFKKT2Rcu4
— Global𝕏 (@GlobaltrekX) August 26, 2025
Videoja e Qeverisë japoneze thekson se një shpërthim mund të ndodhë “në çdo kohë, pa paralajmërim”, ndërsa përshkruan hirin vullkanik që mund të mbulojë qendrën e Tokios – rreth 100 kilometra larg – brenda pak orësh, duke paralizuar transportin, duke ndërprerë furnizimin me energji elektrike dhe duke shkaktuar probleme me frymëmarrjen për banorët.
Videoja përfundon me mesazhin: “Ne duhet të armatosemi me vetëdije për faktet dhe të përgatitemi për katastrofën në jetën tonë të përditshme”, e shoqëruar nga pamjet filmike që tregojnë një familje që grumbullon ushqime të konservuara dhe gjëra themelore në shtëpinë e tyre.
Qeveria e Tokios tha se aktualisht nuk kishte asnjë tregues se Fuji është gati të shpërthejë. “Simulimi është projektuar për t’u ofruar banorëve informacion të saktë mbi masat e gatishmërisë për emergjenca”, tha ajo.
Siç raporton Agjencia Amerikane për Zhvillim Ndërkombëtar, videot kanë shkaktuar shqetësim tek disa qytetarë, megjithëse nuk duket se janë paraqitur ankesa zyrtare pranë autoriteteve. Profesori i Universitetit të Tokios dhe eksperti i komunikimit në kriza, Naoya Sekiya, theksoi se qeveria japoneze ka përgatitur skenarë për shpërthime vullkanike dhe tërmete për vite me radhë, por kjo nuk do të thotë se Fuji është gati të shpërthejë. “Nuk ka asnjë nënkuptim të fshehur për sa i përket kohës”, tha ai.
Top Channel
