“Isha si nusja e tij”, pengu i liruar flet para Këshillit të Sigurimit të OKB-së: Për 50 ditë… 27/08 17:06
Rreth 63% e francezëve duan që Parlamenti të shpërbëhet dhe të mbahen zgjedhje të reja, sipas një sondazhi të Ifop të transmetuar sot në LCI TV, ndërsa kryeministri François Bayrou përpiqet të shpëtojë qeverinë e pakicës që ai drejton.
Sondazhi i Ifop u krye në një kampion prej 1,000 personash, në internet, më 26 gusht.
Qeveria e pakicës e Bayrou-t duket se do të ‘shembet’në javët e ardhshme, pasi tre partitë kryesore të opozitës thanë se nuk do ta mbështesnin atë në një votim mosbesimi që Bayrou e ka njoftuar për 8 shtatorin, lidhur me planet e tij për shkurtime të gjera buxhetore .
Pasiguria politike ndikoi mbi aksionet dhe obligacionet franceze këtë javë.
Çdo vendim për të shpërndarë Parlamentin do të duhej të merrej nga Presidenti Emmanuel Macron dhe, sipas Ifop, 51% e të anketuarve thanë se besojnë se Macron nuk do ta shpërndajë Parlamentin.
Alternativa e Macron, në vend të shpërbërjes së Parlamentit nëse Bayrou humbet votëbesimin, do të ishte emërimi i një qeverie të re .
Top Channel
