Zbulimet mbretërore dhe kujtimet në “Spare”, Princi Harry: Ndërgjegjja ime është e pastër 15/09 23:05
Presidenti finlandez, Alexander Stubb i bëri thirrje sot presidentit amerikan, Donald Trump të ndërmarrë hapa për ta detyruar Rusinë të ulet në tryezën e negociatave me Ukrainën, duke shprehur shpresën se durimi i Trump me Moskën të soset shpejt.
Stubb, i cili është një mik golfi i Trump dhe drejton një vend që ndan një kufi të gjatë me Rusinë, kohët e fundit udhëtoi në Uashington me udhëheqës të tjerë evropianë për të provuar të zgjidhë konfliktin.
“Shpresoj që durimi i vendeve perëndimore, veçanërisht i Shteteve të Bashkuara, të soset. Sepse sa herë që durimi i presidentit Trump soset, ai ndërmerr hapa që lejojnë të gjetjen e një zgjidhje”, tha Stubb në një konferencë për shtyp.
Ai përmendi tarifat që Shtetet e Bashkuara thanë se donin t’i vendosnin Indisë këtë javë.
“Shembulli më i fundit janë tarifat që iu vendosën Indisë sepse India blen naftë, gaz dhe armë ruse. Tani, nëse Presidenti Trump do të bënte të njëjtën gjë me vendet A, B dhe C, mund të shohim një rikthim në tryezën e negociatave”, udhëheqësi finlandez.
Donald Trump shpesh i lidh çështjet e luftës dhe paqes me tregtinë, duke kërcënuar të vendosë tarifa prej 50% ndaj New Delhit në shenjë hakmarrjeje për blerjet e vazhdueshme të naftës ruse që Uashingtoni thotë se ndihmon në financimin e luftës së Moskës në Ukrainë.
Top Channel
