“Kemi arritur shumë deri tani”/ Angela Merkel rikujton vendimin e 2015 dhe sfidat e migrimit në Gjermani 25/08 20:48
Paneli Zgjedhor për Ankesa dhe Parashtresa (PZAP), urdhëroi KQZ që të certifikojë Lista Srpskën për zgjedhjet lokale të 12 tetorit.
Vetëm pak ditë më parë Komisioni Qendror i Zgjedhjeve në Kosovë, kishte vendosur të mos i lejonte pjesëmarrjen subjektit më të madh të serbëve me arsyetimin e përfaqësuesve të Vetëvendosjes në KQZ, se kandidatët e Srpska janë të përfshirë në strukturat paralele serbe në Kosovë.
“90 për qind të personave që janë në listat e kandidatëve të Listës Serbe janë të anëtarësuar në institucione paralele serbe në Kosovë”, u shpreh një nga anëtarët e Vetëvendosjes në KQZ, Sami Kurteshi. Por ky arsyetim nuk ishte i mjaftueshëm për PZAP, që anuloi vendimin e KQZ-së dhe i dha asaj urdhër” që ta certifikojë subjektin politik Lista Serbe me listën e kandidatëve për asamble komunale dhe kandidatëve për kryetar të komunave, sipas rekomandimit të Zyrës për regjistrim, certifikim dhe kontroll financiar të subjekteve politike në KQZ”.
Ministria në detyrë e drejtësisë nga radhët e VV, Albulena Haxhiu përdori tone të ashpra ndaj këtij vendi të PZAP-së.
Panela argumenton megjithatë se “Lista Serbe i ka përmbushur të gjitha detyrimet pasi ka paraqitur dokumentacionin e kërkuar, përfshirë deklaratën politike, kodin e sjelljes, listën e kandidatëve dhe formularët për konfirmimin e kandidatëve”. Për këtë arsye, PZAP thotë se “Komisioni Qendror i Zgjedhjeve nuk ka të drejtë të refuzojë ose të mos certifikojë në mënyrë arbitrare, pa shpjegime, një subjekt politik ose kandidat”, duke shtuar se “me këtë sjellje, Komisioni Qendror i Zgjedhjeve shkeli edhe nenin 31 të Kushtetutës së Republikës së Kosovës”. Vendimi fillestar i Komisionit Qendror të Zgjedhjeve që nuk e certifikoi listën Srpska, u kundërshtua dhe u kritikua ashpër nga vendet e QUINT-it: ambasadat e Gjermanisë, Francës, Italisë, Mbretërisë së Bashkuar, Shteteve të Bashkuara dhe Zyra e Bashkimit Evropian.
Ato i bënë thirrje qeverisë së Kosovës në detyrë dhe partive politike të mos ndërmarrin ndonjë hap tjetër për ta penguar regjistrimin e Listës Serbe për zgjedhjet e 12 tetorit.
Top Channel
