Tragjedi gjatë xhirimeve të “Emily in Paris”, vdes në Venecia ndihmësregjisori Diego Borella 23/08 21:32
Një trend i pazakontë po bëhet gjithnjë e më popullor në Kinë, ku të rriturit përdorin biberona për të luftuar stresin e përditshëm dhe për të përmirësuar gjumin e tyre.
Në mënyrë specifike, siç raportohet nga South China Morning Post, moda e re e biberonave për të rritur ka filluar të përhapet me shpejtësi në tregun kinez, ku dyqanet online regjistrojnë më shumë se 2,000 shitje në muaj. Çmimet variojnë nga 1 deri në 60 euro.
Disa shitës pretendojnë se këto produkte mund t’i ndihmojnë njerëzit të lënë duhanin dhe të marrin frymë siç duhet, ndërsa disa blerës përshkruajnë se biberoni u krijon një ndjenjë sigurie, duke u kujtuar fëmijërinë.
A mund të jetë një biberon i rrezikshëm për shëndetin?
Pavarësisht kërkesës në rritje, mjekët paralajmërojnë për rreziqet që lidhen me përdorimin afatgjatë. Dentisti Tang Caomin theksoi se ekziston rreziku i dëmtimit të gojës dhe nofullës.
Siç shpjegoi ai, përdorimi i vazhdueshëm mund të kufizojë lëvizjen e nofullës, të shkaktojë dhimbje gjatë përtypjes dhe të ndryshojë pozicionin e dhëmbëve brenda një viti nëse përdoret për më shumë se tre orë në ditë.
Ai paralajmëroi gjithashtu se pjesë të vogla të biberonit mund të thithen gjatë gjumit.
Psikologia, Zhang Mo shprehu gjithashtu shqetësim, duke theksuar se përdorimi i objekteve të tilla mund të jetë një shenjë e nevojave emocionale të paplotësuara.
“Zgjidhja nuk është të sillemi si fëmijë, por të përballemi me sfidat dhe të gjejmë zgjidhje kuptimplote”, vuri në dukje ajo.
Top Channel
