SHBA-të lajmërojnë sanksione për dy gjyqtarë dhe dy prokurorë të Gjykatës së Hagës, Rubio: Institucioni po përdoret si armë politike 20/08 23:00
Kryeministri Edi Rama vazhdon të publikojë dokumenta denoncues ndaj gjyqtarit Hazbi Balliut, i cili ka bllokuar vendimin e konfiskimit të një pallati pa leje në Tiranë që iu dha Agjencisë së Kadastrës.
Për kreun e qeverisë ky është një vendim skandaloz i marr në më pak se 10 minuta, ku gjykatësi Balliu i ka dalë kundër shtetit e në favor një ndërtuesi kundra ligjit.
“As 10 minuta nuk i janë dashur gjykatësit Balliu që t’i dalë kundër shtetit dhe të marrë anën e paditësve që kanë bërë një pallat të tërë pa leje, i cili u konfiskua si i tillë e iu dha Agjencisë Shtetërore të Kadastrës
Materialet që institucionet i vunë në dispozicion Balliut duan shumë më tepër se 9 minuta të lexohen, por natyrisht që gjykatësi as nuk i ka lexuar sepse i ka mjaftuar fakti që në godinën e vjetër të ASHK, e cila është bërë e pasigurtë nga tërmeti nuk ka pasur asnjë viktimë dhe kësisoj puna sipas tij mund të vazhdonte nën tavanët që binin, ndërsa pallatin pa leje shohim e bëjmë…“-shkruan Rama.
Vlerësimi i Komisionit të Objekteve të Konfiskuara në qershor për të kaluar objektin pa leje te Agjencisa Shtetërore e Kadastrës, u anulua nga gjykatësi Hazbi Balliu i cili vendosi sigurim padie me kërkesë të pronarit.
Top Channel
